بشرتك دهنيه تعرفى على مشاكلها وكيفية العناية ببشرتك

البشرة الدهنية : بتكون مزعجة في بعض الأحيان ، حيث تعتبر أكثر أنواع البشرة تعرضاً للمشاكل ، تراكم زيوت البشرة على طبقة الجلد الخارجية احيانا يؤدي إلى ظهور ( البثور - والرؤوس السوداء - والرؤوس البيضاء ) .
غير كده بالاضافة الى المسام الواسعة واللمعان بشكل غير مرغوب فيه . السيطرة على مشاكل البشرة الدهنية بتلاقى فيها صعوبة شوية .

حاليا فى حلول تقدرى تحلى كل المشاكل دى ، ومش هنحتاج استخدام علاج مكلف ، ولا هنحتاج استخدام منتجات العناية بالبشرة القائمة على المواد الكيميائية.

دلوقتى فى كتييير من العلاجات المنزلية بسيطة ولها فعالية بشكل طبير وبتساعدك بشكل كبير فى العناية ببشرتك الدهنية وتقدرى تسيطرى على مشاكلها .

مشاكل البشرة الدهينة :

1- تراكم زيوت البشرة على كبقة الجلد بيؤدى الى ظهور ( البثور - والرؤوس السوداء - والرؤوس البيضاء ) .

2- عدم ثبات الماكياج على الوجه لفترة طويلة.

3- أكثر أنواع البشرة تعرضاً لحب الشباب .

مميزات البشرة الدهنية :

- تعتبر من اهم المميزات الكبيرة للبشرة الدهنية وهي أنها أقل نوع من أنواع البشرة بتتعرض للتجاعيد.

خلى بالك : رغم كل المشاكل اللى شوفتيها بس لو اعتنيتى صح ببشرتك الدهنية هتسيطرى على كل المشاكل دا ، غير كده هتقدرى تحافظى على صحة وترطيب البشرة.

طيب ثوانى كده بعد كل الكلام دا وعرفنا ايه هى البشرة الدهنية ومشاكلها ومميزات بشرتى الدهنية .

طيب ازاى انا اعرف وأتأكد ان بشرتى دهنية : طريقة بسيطة جدا نشوف كده :

استخدمى منديل ورقي. وامسحي بشرتك باستخدام المنديل اول ما تصحى الصبح ، لو كانت بشرتك دهنية هتلاقى آثاراً من زيوت البشرة على المنديل، وذلك ايضاً عند مسح مناطق الأنف، الوجنتين والجبهة . جربى

ازاى دلوقتى اعرف اعتنى ببشرتى وطرق العناية ايه هى تعالو نشوف كده :

1- التنظيف اليومى لبشرتك الدهنية :

بيعتبر مفتاح روتينى لتنظيف البشرة وليه فعالية قوية ، تنظيف البشرة مع الحفاظ على ترطيبها. الزيوت الطبيعية اللى بتفرزها البشرة ضرورية انها تحافظ على نضارة وصحة بشرتك . وعلشان تحافظى على الزيوت اللى بتفرزها البشرة ايضا بصورة متوازنة ،يبفضل انك تستخدمى منظف مخصص للبشرة الدهنية مرتين . وخلى بالك اوعى واحذرى استخدام الصابون لانه بيسبب تجفيف زيوت البشرة الدهنية بشدة، ودا بيحفزها لإفراز المزيد من الزيوت ، واحنا مش عايزين كده فاحذرى من الصابون احنا عايزين اننا نوزان بينهم . حاولى انك متستخدميش المنظفات التى بتحتوي على الزيوت والشموع. استخدمى المنظف اليومي الصحيح للبشرة الدهنية ودى بداية كويسة ، بس خلى باللك هى غير كافية لإبقاء بشرتك صحية، البشرة الدهنية بحاجة إلى مرطب، و هي دى الخطوة التانية في نظام العناية بالبشرة الدهنية.

2- الحفاظ على ترطيب بشرتك بشكل يومى :

بنفكر احيانا أن ترطيب بشرتنا التي هي اصلا زيتية سوف يزيد الأمر سوءاً. والحقيقة هي أن جميع أنواع البشرة يجب ترطيبها، حتى البشرة الدهنية. فتنظيف البشرة حتى بالمنظفات اللطيفة  بيكون له تأثير على تجفيف الجلد ، وهتلاحظى التأثير دا بأكثر وضوحاً مع التقدم في العمر، لأن الجلد يفقد الرطوبة بسهولة أكبر. للمساعدة في تقليل آثار الجفاف من هذه المنظفات، لازم تستخدمى مرطب خفيف خالي من الزيوت بعد تنظيف بشرتك الدهنية .

3- احمى بشرتك الدهنية يوميا :

جميع أنواع البشرة تحتاج إلى  اننا نحميها من أشعة الشمس . استخدمى كريمات الحماية من أشعة الشمس ودا بيساعدك ليس فقط على تقليل فرص الإصابة بسرطان الجلد، ولكن كمان بيساعدك على تجنب بعض علامات واضحة من الشيخوخة مثل التجاعيد وبقع الشيخوخة. وبالنسبة لبشرتك الدهنية لازم تتجنبى أنواع الكريمات اللزجة التي تسبب انسداد المسام  وبتزيد من مشاكل بشرتك . المهم انك تختارى كريم واقي من الشمس مخصص للبشرة الدهنية . الأنواع دى بتكون ألطف ومش بتسبب انسداد المسام. ، إذا كان عندك حساسية الجلد أو حب الشباب. احذرى الأنواع المحتوية على العطور .

4- عالجى بشرتك الدهنية يوميا :

علشان تسيطرى على الزيوت اللى بتفرزها بشرتك الدهنية. بعض الأوقات غير كافية انك تستخدمى المنظف والمرطب طيب في الحالة دى هتستخدمى التونر لتتخلصى من اللمعان الزائد عندك فى بشرتك . حل آخر مؤقت علشان تسيطرى على مشكلة لمعان بشرتك الدهنية، استخدمى ورق النشاف برفق على البشرة لامتصاص الزيوت الزائدة بأمان .

( مراجعة على خطوات مهمة تتبعيها لتتخلصى من مشكلات بشرتك الدهنية )

خلى بالك برده مش انتى لوحدك اللى بتعانى من بشرتك انها دهنية ، بعض النجمات أيضًا بيعانوا من بشرتهم الدهنية، أبرزهم كاتي بيري وكاميرون دياز . لحسن الحظ، فى حاجات كتير من الأشياء اللى انتى تقدرى تعمليها وتتغلبى على لمعان بشرتك والدهون الزائدة .

تغلبى على مشكلاتك مع 7 طرق لها فعالية قوية اعرفيها دلوقتى وابدأى غيرى لو فى اخطاء كنت بتعمليها :

1- عدم غسل وجهك كتير

من اكبر واشهر الأخطاء الشائعة وانتى بتعتنى ببشرتك الدهنية هي انك بتفتكرى ان الإفراط في غسيل الوجه بيخلصك من الزيوت الزائدة ، وتفكيرك غير صحيح تماماً . حيث يتسبب ذلك في تحفيز الغدد الدهنية لزيادة إفراز الدهون مرة أخرى وتعويض الفاقد. 

لتعتنى ببشرتك الدهنية، اختاري غسول خاص خالي من الزيوت لتنظيف بشرتك وإزالة الأتربة والأوساخ.  وخلى بالك اوعى متزديش فى غسيل البشرة اكثر من مرتين يوميًا فقط .

2- ابعدى ايديك

أثناء قيامك بالأنشطة المختلفة أثناء اليوم ، احذري من ملامسة وجهك بيديكِ. لانه بيتسبب ذلك في انتقال البكتيريا والجراثيم إلى سطح البشرة، وهو ما يتسبب في ظهور البثور وحب الشباب. اتأكدى من نظافة ايديك دائمًا في حالة ملامستها للبشرة دون قصد.

3- اختارى مستحضراتك بعناية

من الضروري انك تحافظى على اختيار منتجات العناية الخاصة ببشرتك . اختاري كريم الأساس المعدني بدلًا من الأنواع التي تحتوي على نسبة من الزيوت. بصفة عامة، أفضل أنواع المكياج التي تتناسب مع بشرتك الدهنية هي الخالية من الزيوت.و اختاري المرطبات الكريمية الخالية من الزيوت.

4- الخلطات الطبيعية

علشان تحسنى مظهر بشرتك الدهنية من غير ما تتحملى أي تكاليف إضافية، ما رأيك بتحضير بعض الخلطات الطبيعية الغير مكلفة؟ فى كتير من المكونات البسيطة التي تجيد العناية ببشرتك الدهنية كماسك الموز مع العسل والليمون. حيث يحتوي الموز على فيتامين C، الذي يساعد على تقليل إنتاج الزيوت داخل خلايا البشرة، ودور عصير الليمون بيعمل على تنظيف البشرة . أما دور العسل فهو مضاد طبيعي للبكتيريا، وايضا بيساعد على ترطيب البشرة بفعّالية .

اخلطي موزة مهروسة مع ملعقة صغيرة من العسل و2 ملعقة صغيرة من عصير الليمون الطازج لتحصلى على خليط متجانس. استخدمى الخليط على بشرة الوجه والرقبة لمدة 15 دقيقة بعد كده اشطفيه كويس جدا .

5- عدم الاهمال بالترطيب

البعض مننا بيفتكر أن البشرة الدهنية لا تحتاج للترطيب، لكن دا غير صحيح . ترطيب البشرة الدهنية خطوة ضرورية تمامًا كالتنظيف واستخدام التونر، بيساعدك انك تتخلصى من اللمعان.  خلى بالك اختاري أنواع المرطبات خفيفة الوزن التي لا تتسبب في انسداد المسام والمناسبة للبشرة الدهنية.

6- تقشير البشرة

التقشير خطوة حيوية لتحسين ملمس بشرتك الدهنية . لكن لا يفضل الإفراط في تقشير البشرة لأكثر من مرة أو مرتين خلال الإسبوع لتنظيف المسام وإزالة الأتربة وطبقات الجلد الميت. اختاري مقشر مناسب لبشرتك الدهنية مع قابض خفيف كزيت شجرة الشاي، الذي يعمل على شد مسام البشرة ومكافحة البكتيريا المتراكمة على سطح البشرة

7- اكلك يكون صحى

بعض التعديلات الغذائية الصحية التي لازمة وواجبه انك تحافظى عليها خلال نظامك الغذائي لتتخلصى من مشكلات البشرة الدهنية . تأكدي من تناول الأطعمة الغنية بمضادات الأكسدة كالسبانخ والتوت البري. مضادات الأكسدة تعتبر السر الأكيد لحماية البشرة من الشيخوخة المبكرة والتلف .

ملاحظة : الحالات الصعبة من البشرة الدهنية ،  ننصح بذهابك الى طبيب امراض جلديه .

( تابعونا فى مقال اخر  الجزء الثانى 

( نشرح الوصفات والخلطات الطبيعية التى يمكن ان تستخدميها فى عناية بشرتك الدهنية )

ونتمنى استفادتكم