اسنانك مش كويسه وحاسس انها تعباك

اسنانك مش كويسه وحاسس انها تعباك يبقى الموضوع دا ليك وليكى يالا بينا ( تصبغات الاسنان )

اسباب وعلاج

   لو انت / انتى قاعدينتشتكوا من تصبغات الأسنان وبدوروا عن علاج تصبغات الأسنان يبقى الكلام دل ليك وهتستفاد جدا بلا شك .


كلنا عايزين ابتسامة رائعة بس بتواجهنا مشكلة تصبغات الاسنان والتي بتظهر علي مينا الأسنان و بتظهر الأسنان صفراء أو بني أو رمادي . و احيانا  بتكون تصبغات الأسنان في كذا مكان سواء بصورة منسقة او قريبة من اللثة او بشكل غير منسق او فى اى مكان فى الاسنان .

أهم عامل علشان اسنانك تبقى لامعة بالبياض انكوا تحافظوا على اسنانكوا نظيفة جيدة ولامعة. واحيانا بتعملنا  تصبغات الأسنان مصدر إزعاج و شكوي من الجميع .  بتسببلنا إحراج كبير عند الإبتسامة .

 لازم نكون علي علم بأسباب حدوث تصبغات الأسنان و ازاى نمنع حدوثها ؟  و كيفية علاج الأسنان ؟ 

تعالوا نشوف هنعمل ايه 

تصبغات الأسنان بنقسمها إلي نوعين :

 النوع الاول :  تصبغات  خارجية

النوع الثانى : تصبغات جوهرية

1- التصبغات الخارجية : تحدث في الطبقة الخارجية من الأسنان ، و هي المينا .

   و احيانا بتكون خطوط بيضه أو بقع صفره أو بقع بنية أو حفر في اللثة .  من السهل إزالة التصبغات الخارجية  بإستخدامنا لتقنيات التبيض الفعالة .

2- التصبغات الجوهرية : تحدث في البنية الداخلية للأسنان  وبيُطلق عليه مسمى  "عاج الأسنان " بيتحول فيها إلي اللون الأصفر أو الرمادي .  هنواجه صعوبة أكثر لما بنيجى نعالج التصبغات الجوهرية و يحتاج مننا عمل علاجات تجميلية  .

طيب ايه هى اسباب تصبغات الاسنان :

اولا : اكل بعض الأطعمة و المشروبات : مثل القهوة ،  الشاي ، المشروبات الغازية ، الأطعمة مثل " البطاطا ، الكرز ، التوت " بيسبب بقع خارجية في الأسنان . ونقدر نزيل أثار الاطعمة و المشروبات بالطرق التقليدية للعناية بالأسنان من خلال غسل الأسنان بالفرشاة بعد تناول كل وجبة مع التقليل تناول الأطعمة المذكورة فى الاعلى .

 ثانياً: التبغ :  التدخين  أو مضغ التبغ يؤدي إلي تغير لونها .

    ثالثاً : سوء تنظيف الأسنان : ناتج عن إستعمال معجون أسنان ضعيف وغير فعال في إزالة البقع الموجودة ، ودا بيؤدى إلي تراكم  لبعض بقع الطعام علي الأسنان .

    رابعاً : تناول بعض الأدوية  : احيانا تناول مضادات زى الهيستامين و مضادات الإكتئاب و أدوية ضغط الدم  بتؤدى إلي حدوث تصبغات الاسنان . وكمان تناول الأمهات الحوامل المضادات الحيوية اللى هى زى  التتراكسيكلين إلي تلون أسنان الطفل .  بالإضافة إلي الأطفال اللى بيتناولوا مضادات  التتراسيكلين و  الدوكسيسيكلين خلال فترة نمو الأسنان ( قبل عمر الثامنة )  لأنه بيؤدي إلي تصبغ دائم للأسنان.

خامساً : بعض علاجات الأسنان : هناك بعض علاجات الأسنان مثل الحشو الفضي للأسنان ، و الذي يمكن أن ينتج بقع رمادية أو سوداء علي الأسنان .

سادساً : التقدم في العمر : ايضا مع التقدم في العمر ، احياناً بيؤدي إلي تغير لون طبقة مينا الأسنان. ودا بيعمل علي زيادة تراكم العاج الداخلية للأسنان و تصبح داكنة أكثر من الطبقة الخارجية للأسنان و بتظهر الأسنان أكثر إصفراراً  او كده هنلجأ إلي علاج تجميلى  .

سابعا : إصابات الأسنان : سقوط الأسنان  أو موت عصب الأسنان احيانا بيؤدي إلي  تغير لون الأسنان عند البالغين  و الأطفال .

طيب ازاى بقا بعد ماعرفت كل دا اسباب وانواع ايه هوه علاج تصبغات الاسنان :

1-  كل فراولة :

الفراولة بتساعد في تبيض الأسنان وذلك لانها بتحتوي علي إنزيم يسمي حمض الماليك و فيتامين ج و بتعمل المواد القابضة التي تحتوى عليها الفراولة علي إزلة بقع الأسنان الخارجية . ممكن نهرس الفراولة في فرشاة و غسل الأسنان مرة واحدة او مرتين في الإسبوع وهتلاحظوا نتائج إيجابية جميلة جدا هتعجبوا  . و لو كمان برده يمكنك مضغ الفروالة كويس حتي تسمح لها بفرشاة أسنانك بنفسها.

2- استخدم خليط صودا الخبز والليمون .

يمثل الخليط  دا واحد من أشهر علاجات منزلية لعلاج تصبغات اسناننا .طيب ليه الخليط دا مشهور كده افهم كده اللى بيحصل ،  بيحدث تفاعل كيميائي بين صودا الخبز و عصير الليمون الحمضي ليعطي لنا إبتسامة براقة . المكونات بتدينا نتائج رائعة بمجرد تفريش الأسنان بها مرة واحدة في الإسبوع . في أغلب الأحيان علشان تستخدموا خليط صودا الخبز و الليمون ، هنخلط القليل من صودا الخبز و عصير الليمون الطازج يا جماعة مع بعضيهم في وعاء صغير حتي الخليط فقاعات قليلة و بإستخدام قطعة قطن  و نغمسها في الخليط لغسل اسناننا بيها كويس جدا و نسيب الخليط  لمدة دقيقة علي أسناننا وتفريش الأسنان بلطف بالفرشاه  

3- كل الفاكهة و الخضروات المقرمشة

عند تناول التفاح ، الكرفس ، الجزر مفيدة جداً لأسنانك .حيث تعمل الفاكهة / الخضار المقرمشة تعمل كفرشاة أسنان طبيعية. فهي تعمل علي إزالة البكتريامن الفم كما أنها تعمل علي فرك البقع الموجودة علي سطح الأسنان و الحصول علي أسنان أكثر بياضاً .

حيث يحتوي التفاح علي حمض الماليك و هو مادة كيميائية  توجد أيضاً في الفراولة  و تعمل كمادة مبيضة تعمل علي إزالة البقع الموجودة علي الأسنان .

4- إستخدام الشاليموه ( شفاطات العصير )

ممكن نشرب القهوة ، الشاي ، المشروبات الغازية  كمان بالشاليموه  علشان منسببش ضرر بمينا الأسنان  و الحد من تعرضها مباشرة إلي أسناننا . ولو مقدرناش نستخدم الشاليموه لازم نغسل اسناننا بعد ما نشرب أي حاجة من المشروبات دى  .

5- إستخدام ليزر تبيض الأسنان

يستخدم بوضع هلام بيروكسيد ( هلام الأسنان ) ثم عمل تبيض الأسنان في المراكز المتخصصة ودا مش بيكمل اكتر من ساعة واحدة . بيعمل الليزر الحراري علي تبيض الأسنان وبيدينا نتائج روعة في أقصر فترة ممكنة .

6- تنظيف الأسنان

وهى  اننا نعتنى  بالأسنان ةنحافظ عليها  وما نهملهاش ودى بتعبر من اهم الخطوات اللى ممكن نتفادى بيها حدوث تصبغات  فى اسناننا ، لذلك ينصح بتنظيف الأسنان مرتين في اليوم  .  

ملاحظات

    1- تجنب تماماً اكل الأطعمة التي تترك أثار و بقع علي الأسنان .

2-  توزيع الأسنان بالملح هو من العلاجات الفعالة لتصبغات الأسنان .

3- تأكد من إستخدام غسول الفم  بعد تناول الوجبات علشان تتأكدوا من عدم وجود بقع اللى بتتراكم على الاسنان .

ونتمنى استفادتكم